Today: Wednesday, November, 14, 2018 Last Update: 01:49 am ET

  • Contact US
  • Contact For Advertisment
  • Tarrif
  • Back Issue

SPORTS NEWS   

مجھ پر بہت دباؤ تھا:گیل


کینبرا ،24 فروری (یو این آئی) دنیا کے بہترین بلے بازوں میں سے ایک ویسٹ انڈیز کے کرس گیل نے منگل کو زمبابوے کے خلاف میچ میں عالمی کپ ٹورنامنٹ کی پہلی ڈبل [؟][؟]سنچری لگانے کے بعد کہا کہ ان پررن بنانے کا بہت زیادہ دباؤ تھا۔ون ڈے میں گیل کی یہ سب سے تیز ڈبل سنچری بھی ہے ۔انہوں نے 215رن کی اپنی زبردست اننگز کے بعد کہا کہ لوگوں کو ان سے ڈبل سنچری کی امید کافی وقت سے تھی اور وہ ان کی توقعات پر کھرے اترکر بہت خوش ہیں۔گزشتہ دو برسوں سے خراب فارم میں مبتلا گیل نے سال 2013 کے بعد اپنی پہلی سنچری بناتے ہوئے کھا کہ مجھ پر رن [؟][؟]بنانے کا بہت دباؤ تھا۔میں رن ہی نہیں بنا پا رہا تھا۔میرے کریئر میں یہپہلی بار ہوا جب لوگ مسلسل مجھ رن بنانے کے لیے کہہ رہے تھے ۔مجھے ٹوئٹر پر بھی تمام پرستار رن بنانے کے لیے کہتے تھے ۔میں نے پہلی بار دیکھا کہ بہت سے لوگ مجھ سے اچھی کارکردگی کا مظاہرہ کرنے کی اپیل کررہے تھے ۔دھماکہ خیز بلے باز نے کھا کہ میں اس بات سے مطمئن ہوں کہ میں نے اپنے مداحوں کو خوش ہونے کا ایک موقع دیا ہے ۔ جب سے چار فیلڈر کا ضابطہ آیا ہے اس کے بعد سے میں نے صرف ایک نصف سنچری ہی بنائی ھے لیکن اب بڑا اسکور بنا کر میں خوش ہوں۔گیل نے اپنی ڈبل سنچری سے متعلق کھا کہ میں نے جب 100 رنز پورے کئے تو میں اور بڑے اسکور کو بنانے کے بارے میں سوچنے لگا۔میں خوش ہوں کہ میں نے ون ڈے کیریئر میں اپنی پہلی ڈبل [؟][؟]سنچری بنائی ہے ۔جب روہت نے ڈبل سنچری بنائی تھی تو اس کے بعد سے میرے فین بھی مجھے ڈبل سنچری بنانے کے لیے کہہ رہے تھے ۔میں خوش ہوں کہ میں ایسا کرپایا۔گیل نے جون 2013 میں سری لنکا کے خلاف آخری سنچری بنائی تھی۔ اس کے بعد 19 اننگز میں کیریبین بلے باز نے 14.42 کے اوسط سے صرف 274 رن بنائے جس میں ایک نصف سنچری شامل ہے ۔
35 سالہ گیل نے عمر اور چوٹوں کو لے کر کہا کہ ان کے لئے اتنی عمر کے ساتھ رن بنانا کچھ مشکل ہو گیا ہے ۔بلے باز نے کھا کہ بھت سارے لوگ آپ کو میدان پر دیکھتے ہیں کہ آپ رنز نہیں بنا پا رہے ہیں لیکن اس کے پیچھے کیا وجہ ہے وہ نہیں مل سکی ہے ۔میں گزشتہ طویل عرصے سے چوٹوں کا شکار رہا ہوں اوربڑھتی عمر بھی ایک وجہ ہے ۔لیکن مجھے امید ہے کہ اس اسکور کے ساتھ ہم 27 فروری کو جنوبی افریقہ کے خلاف اگلے میچ میں بہتر اعتماد کے ساتھ اتر سکیں ۔انہوں نے کھامجھے خود کو کافی تیار کرنا پڑا ہے کہ میں اچھا مظاہرہ کر سکوں۔میں اب نوجوان تو ہونے سے رہا۔میری عمر تو بڑھ رہی ہے ۔یہ تبدیل کرنے والی نہیں ہے اس لئے آپ کو ان چیلنجوں کے ساتھ ہی اچھا مظاہرہ کرنا ہوگا۔میں بہت خوش ہوں،ہماری ٹیم کوآئندہ اہم میچوں میں اس سے حوصلہ ملے گا اور اسی کارکردگی کو جاری رکھ کر ہم اچھی طرح سے اس ٹورنامنٹ کا اختتام کر پائیں گے ۔
 

 

...


Advertisment

Advertisment